主持人:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
喜歡武俠小說嘅朋友,一定聽過古龍嘅名字!佢連同金庸、梁羽生被喻為武俠小說三大宗師。古龍晚期作品亦係代表作之一嘅《英雄無淚》,曾經多次改編成電視劇、電影、漫畫等等。本地畫師Steven Choi蔡景康,最近策動首個古龍武俠繪本計劃,將《英雄無淚》改編成一書三冊嘅作品。到底Steven點樣突破前人建立嘅形象,重新為角色設定造型?喺今次計劃中,又有咩重大挑戰呢?
齊魯文化係山東地域文化,地處黃河下游嘅山東,由新石器時代開始,慢慢孕育出魅力獨特嘅海岱文化。「禮樂和合 探知齊魯—山東文物特展」,展出珍貴嘅山東及香港出土文物,包括玉石器、陶器、銅器及原始樂器,反映新石器時代到明代嘅發展歷程,令觀眾了解中華文明「多元一體」嘅特徵。古物古蹟辦事處二級助理館長 (展覽及宣傳) 胡文立 Sam 將會介紹有趣嘅「亞醜鉞」,以及一套60件嘅戰國銅餐具,到底背後有咩故事呢?
沙頭角位於新界北區,與內地深圳市鹽田區接壤,1951年開始被列為邊境禁區,2022年起陸續開放。喺呢個咁獨特嘅邊境之中,有22幢兩層高,而且有90年歷史嘅樓房,相連組成一列排樓,並命名為新樓街。《共聚新樓街。發現沙頭角》展覽嘅計劃負責人史嘉茵分享到,團隊過去數年透過口述歷史訪談及深入考證歷史文獻等等工作搜集資料,並且邀請五位藝術家以不同嘅藝術手法,呈現沙頭角獨特之美。
「築覺漫遊系列 」建築師洪彬芬 Fanny會帶大家認識十九世紀法籍瑞士裔嘅現代主義建築大師勒·柯比意 (Le Corbusier)。佢嘅貢獻對後世影響深遠,其中日本建築師安藤忠雄亦深受佢影響。聯合國教科文組識世界遺產委員會喺2016年將勒·柯比意設計嘅17個建築作品列入世界文化遺產, Fanny會帶大家由日本去到法國,深入研究其中幾件代表作嘅精妙之處!
主持人:李秋婷
除咗藝術節本身嘅節目值得大家留意之外,佢嘅周邊活動都好有趣同有好多嘢學架~
IATC 國際演藝評論家協會(香港分會)繼續同「 #新視野藝術節 」合作,佢哋今年喺藝術節嘅其中一個延伸活動,叫做「 #週末文化沙龍系列 」,一連五個星期(逢星期六或日)嘅下晝,邀請一眾藝術家、藝術行政人員及學者,喺餐廳同大家分享及交流知識。IATC 嘅總經理陳國慧Bernice 話,第一次喺呢個地方舉辦文化沙龍,佢都好興奮,到底呢個活動嘅嘉賓、講者同題目有幾吸引呢?
第二集「劇場對話系列」,繼續有 #香港話劇團 嘅朋友,分享佢哋嘅「劇場之道」。今集有話劇團嘅行政總監梁子麒Marble,以及戲劇文學部嘅創作及文學主任郭永康Ivan ,分享數理人嘅「轉型」經過,以及將興趣變為職業嘅故事。Marble 話佢最初同踏上台板係喺小學,而Ivan 同話劇團結緣你又知唔知係幾時?
有興趣嘅朋友,記住收聽今集節目喇!