簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
#279「百藝之師：魯班先師廟脊上的《封神榜》」展覽 / 《 穿Kenzo 的女人》音樂劇劇本集 / 藝聞全世界 #61 teamLab
由發展局文物保育專員辦事處及古物古蹟辦事處（古蹟辦）主辦「百藝之師：魯班先師廟脊上的《封神榜》」展覽，展出魯班先師廟經復修後嘅第二進正脊雙面陶塑。廟脊係乜嘢？魯班先師係邊個？魯班先師廟又有咩咁特別？古蹟辦文物保育組考古小組一級助理館長(考古保存) 吳國樑 Ringo 除咗會解答以上問題，仲會話你知點解呢個展覽係一個百年難得嘅機遇。
《 穿Kenzo 的女人》呢個七、八十年代喺《號外》雜誌連載嘅故事，講述女主角中環儷人錢瑪莉同一班好姊妹嘅愛恨情仇、紙醉金迷嘅故事。填詞人岑偉宗Chris十幾年前睇咗呢個作品嘅合訂本，非常喜歡，甚至萌生要將個故事變成音樂劇嘅念頭。音樂劇兩年前搬演舞台，去到今年，佢更加出版咗音樂劇劇本集。Chris以呢部劇本集編著嘅身份，講述創作劇本嘅艱難之處，以及出版劇本集嘅意義，亦會分享文本翻譯成國語版嘅原因，仲會喺節目高歌一曲添。
有興趣嘅朋友記住唔好錯過喇！
重溫
#253 誇啦啦藝術集滙「從文本到舞臺」《鬥智》 / 香港森林浴 x 心說工作室 「森林韻律‧ 藝術印記」 驚蟄 ‧春分 / 藝在無窮：奧斯瓦爾多·瓜亞薩明 / 藝聞全世界：古斯塔夫·克林姆 / #ddHK設計#香港地 —Andy Rementer「海洋知心友」
主持人：李秋婷
《三國演義》係中國四大名著之一，呢個故事家傳戶曉，唔知大家最鍾意邊個人物呢？誇啦啦藝術集匯藝術總監黃清霞博士 Dr Ooi 從小就好喜歡諸葛亮，特別鍾情諸葛亮同周瑜鬥智嘅情節，於是趁住今次時機，將故事改編，以「獨特」嘅方式呈現觀眾眼前。到底年青演員黃婉華 Franchesca 飾演邊個角色？今次《鬥智》嘅表現手法有幾「與眾不同」？
行山、公園散步，或者郊野公園野餐、燒烤，同樣係接觸大自然嘅活動，但係森林療癒嚮導 Amanda Yik 話呢類型活動同「森林浴 （(shinrin-yoku) 」大不同，究竟森林浴係乜嘢活動，佢結合藝術創作又會有乜嘢效果？中國傳統智慧二十四節氣當中嘅「驚蟄」、「春分」，同「森林韻律x 藝術印記」嘅活動有乜嘢關係？
有與趣嘅朋友，記住唔好錯過喇！
