簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
#296 西貢海藝術節 / 藝想大世界系列：青草音符 (下) / 藝聞全世界 ： 李小龍珍品拍賣 / 藝在無窮：Wellcome Collection: Jason and the Adventure of 254 / SurrealHK「香港的超現實大熊貓」展覽、智養身心藝術文化雅集
自2019年起，旅遊事務署主辦咗為期三年嘅先導計劃「鹽田梓藝術節」，將鹽田梓塑造成為一所開放式博物館，為參加者帶嚟多方面嘅體驗。呢個先導計劃促成2022年舉行「西貢海藝術節」，整個節以鹽田梓為軸心，將範圍擴展至西貢海毗鄰嘅島嶼：橋咀洲、滘西洲以及糧船灣。
話咁快為其三年嘅藝術節已經嚟到尾聲喇，最後一屆嘅主題係「再島聚」，一口設計工作室及藝術節策展人張國麟Alan分享「聚」嘅三大玄機，以及整個節嘅活動特色，更會重點介紹適合大眾參與嘅活動。
上星期邱焱Sophia喺「藝想大世界系列」介紹咗家長自發組織『青草音符』，點樣以音樂幫助SEN嘅孩子。今個星期繼續有主席徐江琼Helen，亦會有樂團副團長黃超瑩及佢患有中度自閉症嘅仔仔王智鴻，以真實例子分享音樂嘅強大力量，點樣令坐唔定嘅過度活躍小朋友專注演奏，以及講講學習音樂以後小朋友嘅各種改變，同場仲會播放佢哋嘅音樂演出添！
有興趣嘅朋友記住唔好錯過喇！
預告
#297 油街在地 五臟 / 剎那永恆系列 (一) / 藝聞全世界：AI與版權爭議 / 「#ddHK 設計 #香港地」
新年伊始，《藝文谷》繼續為大家發放本地及海外最新藝文資訊。
2025年起，全新系列「剎那永恆」，將會邀請不同攝影師，帶大家走入繽紛嘅光影世界，何柏基Collin率先分享攝影由0到1必須要知嘅幾件事。
藝術家林嘉裕Inkgo多年嚟喺藝術上不斷作出新嘗試，創作媒介從樹葉演變成竹藝。最近嘅首個個人展覽「油街在地：五臟」，以當代手法將竹藝呈現觀眾眼前，更加入新元素，令作品既能夠同觀眾互動，亦能夠「舞動」，Inkgo會同大家分享策展背後嘅點點滴滴。
有興趣嘅朋友，記住收聽節目喇！
重溫
#257 霓虹燈藝術家@巴塞爾藝術展香港展會2024 / 從波提切利到梵高：英國國家美術館珍藏展 / 藝聞全世界 插畫家馬克斯·道爾頓 / 藝在無窮 瓦薩沉船博物館 (Vasa Museum) / Art Central Hong Kong 2024 / 藝術@維港2024 teamLab：光漣 / 俠之大者—金庸百年誕辰紀念@中環愛丁堡廣場 /大館表演藝術季：SPOTLIGHT
主持人：李秋婷
各位藝文好友都講緊藝術三月爆忙，其實藝術家們都一樣，其中霓虹燈藝術家陳家倫Karen就為佢第二次喺巴塞爾藝術展香港展會Art Basel Hong Kong嘅展出而努力不懈。當初Karen 點解會被霓虹燈吸引，而為咗學習箇中知識及技術，佢去到幾盡？今次展覽佢嘅作品點樣展現「香港精神」呢？
大家聽到故宮，好自然會諗起中國文物，而今次嘅 「從波提切利到梵高：英國國家美術館珍藏展」 ，展出英國國家美術館52幅繪畫藝術珍藏。究竟香港故宮文化博物館嘅定位係點，而喺展覽裏面觀眾會有乜嘢得著呢？香港故宮文化博物館副研究員楊悅庭博士會話你知。
