簡介
GIST
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
LATEST
12/10/2024
相片集
#285 《快雪時晴》/ 「陶輝：荒丘 」展覽 / 藝聞全世界： AI 詐騙新方法 / 藝在無窮：泰特現代美術館 / 中國內地電影展2024
香港舞蹈團藝術總監楊雲濤聯同團隊策動大型舞蹈詩《快雪時晴》，作品聯乘「舞韻、墨帖、武術、科技」等不同元素，並且邀請到著名小提琴家姚珏，以及新媒體藝術家張瀚謙參與。唔知今次演出會擦出乜嘢火花呢？舞者們特別為呢個演出，提前半年進行特訓，你又估唔估到佢哋作邊方面嘅鍛鍊呢？
香港呢個高樓大廈林立嘅城巿，竟然出現一個「荒丘」？講緊嘅，就係大館當代美術館為藝術家陶輝策動喺香港首個美術館個展。展覽嘅特別之處在於作品大部份以委約為主，藝術家會展示佢點樣以藝術實踐去探索個人喺城巿生活嘅種種掙扎。大館當代美術館副策展人秦文娟Jill會以策展人嘅身份，同大家聲音導航，拆解部份創作背後嘅用意。
重溫
CATCHUP
X
#258 香港文化博物館「俠之大者 — 金庸百年誕辰紀念．任哲雕塑展」/ 香港管弦樂團「港樂50．友弦樂聚 」音樂會 / 藝聞全世界 永續設計 / 藝在無窮 英歌舞 / 香港藝術發展局 「藝術‧科技」展覽 2.0 「過化存神」
主持人：李秋婷
文學泰斗查良鏞博士(金庸)嘅作品膾炙人口，就算未讀過佢嘅小說，都有好多機會接觸到佢筆下嘅人物。適逢今年為金庸百年誕辰，香港文化博物館特別舉行「俠之大者 — 金庸百年誕辰紀念．任哲雕塑展」，展出北京雕塑家任哲22件金庸小說人物嘅雕塑。呢批雕塑點樣反映出任哲嘅創作特色？眾多展品之中，香港文化博物館一級助理館長(當代藝術) 李婷蓮博士又會揀邊幾件重點介紹？
為慶祝香港管弦樂團(港樂)五十週年，樂團將會聯同多位流行音樂歌手，舉辦「港樂50．友弦樂聚 」音樂會，作為「香港流行文化節2024」節目之一，屆時會演繹多首經典金曲。到底點樣將流行樂曲變為適合樂團演繹嘅管弦樂，而演唱嘅時候有乜嘢需要調整？港樂駐團指揮廖國敏以及歌手倫永亮會齊齊分享，節目仲會播放兩位四手聯彈嘅精彩演奏。大家記住唔好錯過！
