簡介
Presenter：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
最新
#274 《共聚新樓街。發現沙頭角》展覽 / 築覺漫遊系列：勒·柯比意 Le Corbusier / 藝聞全世界：Gagosian X 奧運博物館 展覽《奧運的藝術The Art of the Olympics 》 / 藝在無窮：勒·柯比意 / 心路同行藝術展
沙頭角位於新界北區，與內地深圳市鹽田區接壤，1951年開始被列為邊境禁區，2022年起陸續開放。喺呢個咁獨特嘅邊境之中，有22幢兩層高，而且有90年歷史嘅樓房，相連組成一列排樓，並命名為新樓街。《共聚新樓街。發現沙頭角》展覽嘅計劃負責人史嘉茵分享到，團隊過去數年透過口述歷史訪談及深入考證歷史文獻等等工作搜集資料，並且邀請五位藝術家以不同嘅藝術手法，呈現沙頭角獨特之美。
「築覺漫遊系列 」建築師洪彬芬 Fanny會帶大家認識十九世紀法籍瑞士裔嘅現代主義建築大師勒·柯比意 (Le Corbusier)。佢嘅貢獻對後世影響深遠，其中日本建築師安藤忠雄亦深受佢影響。聯合國教科文組識世界遺產委員會喺2016年將勒·柯比意設計嘅17個建築作品列入世界文化遺產， Fanny會帶大家由日本去到法國，深入研究其中幾件代表作嘅精妙之處！
重溫
#259 「 香港話劇團2024-25劇季節目」/ 劇場空間舞台劇《金池塘》 / 藝聞全世界：「下一位奈良美智」日本雕塑家中村萌 / 藝在無窮：英國展覽The Cult of Beauty / 梵高．樂印｜藝術@維港2024
Presenter：李秋婷
一個完善嘅計劃可以指引一眾藝術人員向短、中、長期目標進發，對藝團嚟講相當重要。唔知香港話劇團剛發佈嘅 2024-25 劇季節目，點樣平衡大眾與小眾口味，藝術與商業元素呢？而當中嘅演出又點樣「解開生活密碼 窺探真我秘密」？咁多個演出，邊一個係因為《天下第一樓》而應運而生？香港話劇團藝術總監潘惠森及助理藝術總監方俊杰會話曬你知！
經典戲碼《金池塘》曾經喺銀幕及舞台被搬演多次，劇場空間將會帶嚟嘅版本，又會加入乜嘢新元素？劇團嘅藝術創作總監、兼今次演出嘅翻譯、導演、監製余振球會同大家分享。資深演員區嘉雯第一次演出呢個劇，但點解好多人都以為佢演過呢個作品嘅？而佢差唔多一年前已經問余振球攞曬中英文劇本，到底佢係點做準備？
有興趣嘅朋友，記住唔好錯過喇！
