簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
最新
#274 《共聚新樓街。發現沙頭角》展覽 / 築覺漫遊系列：勒·柯比意 Le Corbusier / 藝聞全世界：Gagosian X 奧運博物館 展覽《奧運的藝術The Art of the Olympics 》 / 藝在無窮：勒·柯比意 / 心路同行藝術展
沙頭角位於新界北區，與內地深圳市鹽田區接壤，1951年開始被列為邊境禁區，2022年起陸續開放。喺呢個咁獨特嘅邊境之中，有22幢兩層高，而且有90年歷史嘅樓房，相連組成一列排樓，並命名為新樓街。《共聚新樓街。發現沙頭角》展覽嘅計劃負責人史嘉茵分享到，團隊過去數年透過口述歷史訪談及深入考證歷史文獻等等工作搜集資料，並且邀請五位藝術家以不同嘅藝術手法，呈現沙頭角獨特之美。
「築覺漫遊系列 」建築師洪彬芬 Fanny會帶大家認識十九世紀法籍瑞士裔嘅現代主義建築大師勒·柯比意 (Le Corbusier)。佢嘅貢獻對後世影響深遠，其中日本建築師安藤忠雄亦深受佢影響。聯合國教科文組識世界遺產委員會喺2016年將勒·柯比意設計嘅17個建築作品列入世界文化遺產， Fanny會帶大家由日本去到法國，深入研究其中幾件代表作嘅精妙之處！
重溫
#262 藝無彊2024：新晉展能藝術家視覺藝術比賽得獎者訪問(上) / 一舖清唱無伴奏合唱劇場《 ̲ ̲ ̲ ̲小事化有 ̲ ̲ ̲ ̲ ̲ ̲ ̲ ̲ ̲ ̲ ̲ ̲》/ 藝聞全世界：紅球計劃 / 藝在無窮： Two Temple Place / Affordable Art Fair Hong Kong 2024
主持人：李秋婷
藝術無界限，社會上不同能力嘅人士都有權參與藝術，發展所長。《藝文谷》全新系列「藝想大世界」以共融藝術為主題，介紹城中不同能力嘅藝術家，了解藝術點樣打開佢哋嘅大世界。藝無疆2024：新晉展能藝術家視覺藝術比賽青少年組「最佳創作理念獎」得獎者李京岸嘅媽媽潘麗清，點解要將仔仔作畫過程拍攝及攝錄落嚟？得獎作品【春夏秋冬】背後其實係講緊乜嘢故事？
開講有話：「大事化小，小事化無」，但一舖清唱最新無伴奏合唱劇場叫做《____小事化有____________》，背後究竟有咩諗法？佢哋嘅聯合藝術總監盧宜均透露整個劇由12個小故事組成，而呢啲故事同音樂元素有咩關係？今次嘅演出同以往劇團嘅作品有咩不同之處呢？
