簡介
Presenter：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
#279「百藝之師：魯班先師廟脊上的《封神榜》」展覽 / 《 穿Kenzo 的女人》音樂劇劇本集 / 藝聞全世界 #61 teamLab
由發展局文物保育專員辦事處及古物古蹟辦事處（古蹟辦）主辦「百藝之師：魯班先師廟脊上的《封神榜》」展覽，展出魯班先師廟經復修後嘅第二進正脊雙面陶塑。廟脊係乜嘢？魯班先師係邊個？魯班先師廟又有咩咁特別？古蹟辦文物保育組考古小組一級助理館長(考古保存) 吳國樑 Ringo 除咗會解答以上問題，仲會話你知點解呢個展覽係一個百年難得嘅機遇。
《 穿Kenzo 的女人》呢個七、八十年代喺《號外》雜誌連載嘅故事，講述女主角中環儷人錢瑪莉同一班好姊妹嘅愛恨情仇、紙醉金迷嘅故事。填詞人岑偉宗Chris十幾年前睇咗呢個作品嘅合訂本，非常喜歡，甚至萌生要將個故事變成音樂劇嘅念頭。音樂劇兩年前搬演舞台，去到今年，佢更加出版咗音樂劇劇本集。Chris以呢部劇本集編著嘅身份，講述創作劇本嘅艱難之處，以及出版劇本集嘅意義，亦會分享文本翻譯成國語版嘅原因，仲會喺節目高歌一曲添。
有興趣嘅朋友記住唔好錯過喇！
重溫
#264 《經行頌缽》(微觀篇) / 「墨境淋漓—陳榮森捐贈作品展」 / 藝聞全世界： Jean-Michel Basquiat尚-米榭·巴斯奇亞 / 藝在無窮：The power and politics of textile in art / 黃河大合唱 - 林大葉與香港中樂團
Presenter：李秋婷
頌缽原本被僧侶當作食器所使用，因為發出嘅共鳴聲音具有延展性，令頌缽後來成為療癒身心嘅工具。研習頌缽十數年嘅跨領域當代藝術家曾文通，將靜觀與劇場結合，帶來第七部作品《經行頌缽》(微觀篇)，讓觀眾以「靜」心「觀」看嘅方式經驗劇場。何謂經行？演出元素除咗頌缽、靜觀，仲有咩呢？
嶺南畫派第三代傳人藝術家陳榮森，自1976年跟隨趙少昂教授習畫，亦曾跟隨不同名師學習傳統中國繪畫、書法及篆刻。後來陳榮森毅然放下畫具，至退休後再重拾畫筆，原因何在？展覽「墨境淋漓」之中，師徒作品並置，效果又如何？香港文化博物館館長(藝術) 鄧民亮博士除咗會拆解上述提問，亦會分享欣賞嶺南畫派作品嘅角度。
