主持人:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
表演藝術係一種此時此刻嘅表演形式,每個作品記錄我哋嘅文化記憶。
中英劇團2019年建立文獻庫,將演出相片及錄影數碼化,整理檔案與及復修舊文件等等。節目及傳訊主管李淑君Christy將會分享箇中點滴及挑戰。
香港話劇團2001年公司化後,著手改善製作資料嘅收藏及保存。節目主管(製作)黎栩昕Sunnie ,將會分享整存過萬套服裝,以及處理龐大道具庫嘅方法。
全新系列「築覺漫遊」,建築師洪彬芬Fanny 將會不定期帶領聽眾走訪世界各地,認識當地著名建築大師以及佢哋嘅傑作。系列起首有日本建築大師安藤忠雄Tadao Ando,佢有幾與眾不同?佢嘅建築有咩特色,代表作係邊啲,你又知幾多?
有興趣嘅朋友,記住唔好錯過喇。
主持人:李秋婷
「中華文化節」透過多元、互動嘅展演項目,弘揚中華文化,加深市民嘅認識及認同。其中《絲竹吹打:樂韻尋根本地遊》講座系列,由資深琵琶演奏家何耿明聯同香港中文大學中國音樂研究中心執行總監陳子晉主講。究竟絲竹吹打代表乜嘢樂器,六場講座又點樣帶領觀眾尋根?假如時間所限只可以參與一場的話,陳子晉又會推介邊一講?
國際畫壇一代大師吳冠中早年硏習水墨國畫,後來跳入彩色嘅油畫世界,終其一生探索中西融和嘅藝術。香港藝術館與大師甚有淵源,甚至獲得吳冠中以及佢嘅家人多次捐贈,成為全球最多吳冠中館藏嘅藝術機構。香港藝術館館長(至樂樓)鍾婉嫻將會娓娓道來箇中故事,以及介紹《吳冠中──黑‧白‧灰》展覽嘅重點作品,亦會分享香港藝術家張瀚謙及其藝術團隊XCEED受大師作品所啟發嘅創新跨界合作。