簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
最新
#272 《雪落下的聲音》 / 「馬胡鮑李大劇團 – 從香港中文大學圖書館戲劇特藏看香港劇場文化傳承」展覽 / 藝聞全世界： 日本建築師槙文彥 / 藝在無窮：Henna 古老的彩繪技術 / 香港管弦樂團將由芬蘭指揮佩多高斯基 (Tarmo Peltokoski) 接任梵志登（Jaap van Zweden）成為港樂第九任音樂總監
舞者嘅藝術生涯相對短暫，但喺香港舞蹈界，有一個特別嘅存在，佢就係現年六十歲城巿當代舞蹈團 (CCDC) 嘅駐團藝術家喬楊。為慶祝喬楊迎接人生第二階段，駐團編舞桑吉加，透過CCDC其中一個四十五週年節目《雪落下的聲音》，以雪嘅潔淨、純粹去象徵喬楊對舞蹈嘅專業態度。演出由原來計劃嘅四位舞者更改成三位，點解有咁嘅安排？桑吉加、喬楊對今次演出又有咩期望？
「馬胡鮑李大劇團–從香港中文大學圖書館戲劇特藏看香港劇場文化傳承」展覽，介紹香港戲劇界四位重要人物包括馬鑑、胡春冰、鮑漢琳及李援華。點解策展人國際演藝評論家協會（香港分會）主席張秉權博士，覺得香港戲劇歷史上，可能曾經出現過「馬胡鮑李大劇團」？佢仲會解釋展覽名嘅來由，以及策展緣由，亦會分享四位大師對香港劇壇嘅貢獻。
重溫
#267 四大美人音樂會 /「不似之似 — 靜觀樓藏光影與墨痕」展覽 / 藝聞全世界： 抽象繪畫大師Frank Stella / 藝在無窮：All I need is a little bit of everything Ex / 設計光譜「接棒未來」展覽 第一部分: 「過界」
主持人：李秋婷
中國古代四大美人：西施、王昭君、貂蟬、楊玉環嘅故事家傳戶曉，但以大型中樂團與粵曲演唱嘅藝術形式你又體驗過嘛？香港中樂團將會透過音樂，演繹具有浪漫主義色彩嘅民間故事，讓觀眾體會中國傳統文化嘅豐富內涵。助理藝術總監兼常任指揮周熙杰將會談及今次音樂會嘅靈感來源，以及曲目編排嘅精心之處。
「靜觀樓」係黃貴權醫生所建立嘅私人收藏，藏品以20世紀中國書畫為重心。2021年，黃醫生將畢生收藏連同個人攝影作品，付託香港藝術館與公眾分享，捐贈項目達到1110組。《不似之似──靜觀樓藏光影與墨痕》將黃醫生嘅作品連同佢嘅收藏並置，香港藝術館館長(虛白齋)麥詠雯會分享設置構成嘅獨特對話，藝術家江逸天亦會講述今次展出嘅作品如何受黃醫生嘅經歷所啟發。
