Presenter:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
舞者嘅藝術生涯相對短暫,但喺香港舞蹈界,有一個特別嘅存在,佢就係現年六十歲城巿當代舞蹈團 (CCDC) 嘅駐團藝術家喬楊。為慶祝喬楊迎接人生第二階段,駐團編舞桑吉加,透過CCDC其中一個四十五週年節目《雪落下的聲音》,以雪嘅潔淨、純粹去象徵喬楊對舞蹈嘅專業態度。演出由原來計劃嘅四位舞者更改成三位,點解有咁嘅安排?桑吉加、喬楊對今次演出又有咩期望?
「馬胡鮑李大劇團–從香港中文大學圖書館戲劇特藏看香港劇場文化傳承」展覽,介紹香港戲劇界四位重要人物包括馬鑑、胡春冰、鮑漢琳及李援華。點解策展人國際演藝評論家協會(香港分會)主席張秉權博士,覺得香港戲劇歷史上,可能曾經出現過「馬胡鮑李大劇團」?佢仲會解釋展覽名嘅來由,以及策展緣由,亦會分享四位大師對香港劇壇嘅貢獻。
Presenter:李秋婷
中國古代四大美人:西施、王昭君、貂蟬、楊玉環嘅故事家傳戶曉,但以大型中樂團與粵曲演唱嘅藝術形式你又體驗過嘛?香港中樂團將會透過音樂,演繹具有浪漫主義色彩嘅民間故事,讓觀眾體會中國傳統文化嘅豐富內涵。助理藝術總監兼常任指揮周熙杰將會談及今次音樂會嘅靈感來源,以及曲目編排嘅精心之處。
「靜觀樓」係黃貴權醫生所建立嘅私人收藏,藏品以20世紀中國書畫為重心。2021年,黃醫生將畢生收藏連同個人攝影作品,付託香港藝術館與公眾分享,捐贈項目達到1110組。《不似之似──靜觀樓藏光影與墨痕》將黃醫生嘅作品連同佢嘅收藏並置,香港藝術館館長(虛白齋)麥詠雯會分享設置構成嘅獨特對話,藝術家江逸天亦會講述今次展出嘅作品如何受黃醫生嘅經歷所啟發。