Presenter:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
舞者嘅藝術生涯相對短暫,但喺香港舞蹈界,有一個特別嘅存在,佢就係現年六十歲城巿當代舞蹈團 (CCDC) 嘅駐團藝術家喬楊。為慶祝喬楊迎接人生第二階段,駐團編舞桑吉加,透過CCDC其中一個四十五週年節目《雪落下的聲音》,以雪嘅潔淨、純粹去象徵喬楊對舞蹈嘅專業態度。演出由原來計劃嘅四位舞者更改成三位,點解有咁嘅安排?桑吉加、喬楊對今次演出又有咩期望?
「馬胡鮑李大劇團–從香港中文大學圖書館戲劇特藏看香港劇場文化傳承」展覽,介紹香港戲劇界四位重要人物包括馬鑑、胡春冰、鮑漢琳及李援華。點解策展人國際演藝評論家協會(香港分會)主席張秉權博士,覺得香港戲劇歷史上,可能曾經出現過「馬胡鮑李大劇團」?佢仲會解釋展覽名嘅來由,以及策展緣由,亦會分享四位大師對香港劇壇嘅貢獻。
Presenter:李秋婷
表演藝術係一種此時此刻嘅表演形式,每個作品記錄我哋嘅文化記憶。
中英劇團2019年建立文獻庫,將演出相片及錄影數碼化,整理檔案與及復修舊文件等等。節目及傳訊主管李淑君Christy將會分享箇中點滴及挑戰。
香港話劇團2001年公司化後,著手改善製作資料嘅收藏及保存。節目主管(製作)黎栩昕Sunnie ,將會分享整存過萬套服裝,以及處理龐大道具庫嘅方法。
全新系列「築覺漫遊」,建築師洪彬芬Fanny 將會不定期帶領聽眾走訪世界各地,認識當地著名建築大師以及佢哋嘅傑作。系列起首有日本建築大師安藤忠雄Tadao Ando,佢有幾與眾不同?佢嘅建築有咩特色,代表作係邊啲,你又知幾多?
有興趣嘅朋友,記住唔好錯過喇。