簡介
Presenter：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
#290 米蘭衛星設計收藏二十五週年展 / 藝想大世界系列：共融設計的故事 / 藝聞全世界 #75日本藝術祭「森林藝術祭 晴天之國．岡山」/ 「亞藝無疆」藝術節《純粹藝術拍賣會、威武奢華：跨文化禮儀兵器藝術展
共融兩個字大家經常聽到，喺藝術創作層面點樣做到真正共融呢？
「藝想大世界」系列主持邱焱Sophia 邀請到無事無事研究所(Mosi mosi)創辦人梁雯蕙 (Comma)，由當年為視障人士設計嘅大學Final Year Project 作品「看得見的銀包」，再講到成立Mosi Mosi，以及聘用殘障人士為多元藝術家，參與設計及創作嘅原因。
全球最大型家居展「米蘭國際家具展Salone del Mobile.Milano」為慶祝設計師嘅成就，以及佢哋嘅衛星展踏入二十五週年，今次聯同國際設計家品展(IDFFHK)合作，將「米蘭衛星設計收藏二十五週年展」首次帶到香港，更加係呢個展覽首次喺海外展出嘅第一站。
<藝文谷>邀請到展覽負責人亦係IDFFHK / Designworks Foundation創辦人余詠詩Winnie介紹展覽外，亦邀請到設計師張凱琨Dennis─ 唯一一位有入選嘅香港設計師 ─ 分享佢嘅得獎作品Flax Fiber Triplex Stool嘅創作靈感及心得。
有興趣嘅朋友記得唔好錯過喇！
預告
#291 藝想大世界系列：真正的共融藝術 / 「西源里選畫」展覽 / 藝聞全世界：金陵藝術館 / 藝在無窮：大都會藝術博物館 / 茶具文物館四十周年展覽及戶外光影展
今個星期嘅「藝想大世界」邱焱繼續邀請無事無事研究所創辦人梁雯蕙Comma，仲有多元藝術家蕭偉邦(邦邦) 傾偈，今次佢哋會從產品設計，再講到何謂真正嘅共融藝術。Comma 會分享與一眾不同能力嘅多元藝術家及客戶間溝通嘅技巧，而有自閉傾向嘅邦邦會講到點樣面對客戶要求修改自己創作嘅情況。
一新美術館今年十月落戶西營盤西源里一號，總監劉鳳霞博士Lesley會講到由觀塘走到西營盤後美術館嘅大不同，佢用一個字「多」去形容，究竟「多」咗乜嘢？新館址首個展覽「西源里選畫」分兩期進行，展品有咩特色？點解要分兩期進行？Lesley 仲特意挑選三幅同大家重點介紹。
有興趣嘅朋友記住唔好錯過喇！
重溫
#271 中英劇團45周年 / 築覺漫遊系列：隈研吾 / 藝聞全世界： KAWS + Warhol 展覽 / 藝在無窮：隈研吾 / M+博物館： 張培力裝置作品 同時播報1999年12月31日夜
Presenter：李秋婷
人生有幾個十年？每個十年代表不同經歷及階段。中英劇團成立四十五週年之際，決定品牌重塑，推出多項計劃及活動。藝術總監張可堅會從自己與中英近18 年嘅緣份講起，娓娓道來發展歷程中嘅重要人物及故事。
日本早前推出東京公廁計劃 “The Tokyo Toilet”，邀請一眾日本著名建築師於東京澀谷一帶，設計多間新穎及美侖美奐嘅公共洗手間，為城市添上色彩，亦令國外嘅人感到驚喜。建築師隈研吾Kuma Kengo係其中一位獲邀嘅建築師，喺築覺漫遊系列，建築師洪彬芬 Fanny 會帶大家認識隈研吾嘅建築風格，亦會介紹佢部分作品及背後嘅小故事。
