主持人:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
舞者嘅藝術生涯相對短暫,但喺香港舞蹈界,有一個特別嘅存在,佢就係現年六十歲城巿當代舞蹈團 (CCDC) 嘅駐團藝術家喬楊。為慶祝喬楊迎接人生第二階段,駐團編舞桑吉加,透過CCDC其中一個四十五週年節目《雪落下的聲音》,以雪嘅潔淨、純粹去象徵喬楊對舞蹈嘅專業態度。演出由原來計劃嘅四位舞者更改成三位,點解有咁嘅安排?桑吉加、喬楊對今次演出又有咩期望?
「馬胡鮑李大劇團–從香港中文大學圖書館戲劇特藏看香港劇場文化傳承」展覽,介紹香港戲劇界四位重要人物包括馬鑑、胡春冰、鮑漢琳及李援華。點解策展人國際演藝評論家協會(香港分會)主席張秉權博士,覺得香港戲劇歷史上,可能曾經出現過「馬胡鮑李大劇團」?佢仲會解釋展覽名嘅來由,以及策展緣由,亦會分享四位大師對香港劇壇嘅貢獻。
喜歡武俠小說嘅朋友,一定聽過古龍嘅名字!佢連同金庸、梁羽生被喻為武俠小說三大宗師。古龍晚期作品亦係代表作之一嘅《英雄無淚》,曾經多次改編成電視劇、電影、漫畫等等。本地畫師Steven Choi蔡景康,最近策動首個古龍武俠繪本計劃,將《英雄無淚》改編成一書三冊嘅作品。到底Steven點樣突破前人建立嘅形象,重新為角色設定造型?喺今次計劃中,又有咩重大挑戰呢?
齊魯文化係山東地域文化,地處黃河下游嘅山東,由新石器時代開始,慢慢孕育出魅力獨特嘅海岱文化。「禮樂和合 探知齊魯—山東文物特展」,展出珍貴嘅山東及香港出土文物,包括玉石器、陶器、銅器及原始樂器,反映新石器時代到明代嘅發展歷程,令觀眾了解中華文明「多元一體」嘅特徵。古物古蹟辦事處二級助理館長 (展覽及宣傳) 胡文立 Sam 將會介紹有趣嘅「亞醜鉞」,以及一套60件嘅戰國銅餐具,到底背後有咩故事呢?
主持人:李秋婷
喜歡武俠小說嘅朋友,一定聽過古龍嘅名字!佢連同金庸、梁羽生被喻為武俠小說三大宗師。古龍晚期作品亦係代表作之一嘅《英雄無淚》,曾經多次改編成電視劇、電影、漫畫等等。本地畫師Steven Choi蔡景康,最近策動首個古龍武俠繪本計劃,將《英雄無淚》改編成一書三冊嘅作品。到底Steven點樣突破前人建立嘅形象,重新為角色設定造型?喺今次計劃中,又有咩重大挑戰呢?
齊魯文化係山東地域文化,地處黃河下游嘅山東,由新石器時代開始,慢慢孕育出魅力獨特嘅海岱文化。「禮樂和合 探知齊魯—山東文物特展」,展出珍貴嘅山東及香港出土文物,包括玉石器、陶器、銅器及原始樂器,反映新石器時代到明代嘅發展歷程,令觀眾了解中華文明「多元一體」嘅特徵。古物古蹟辦事處二級助理館長 (展覽及宣傳) 胡文立 Sam 將會介紹有趣嘅「亞醜鉞」,以及一套60件嘅戰國銅餐具,到底背後有咩故事呢?
20/07/2024
網上直播完畢稍後提供節目重溫。
Archive will be available after live webcast