簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
#290 米蘭衛星設計收藏二十五週年展 / 藝想大世界系列：共融設計的故事 / 藝聞全世界 #75日本藝術祭「森林藝術祭 晴天之國．岡山」/ 「亞藝無疆」藝術節《純粹藝術拍賣會、威武奢華：跨文化禮儀兵器藝術展
共融兩個字大家經常聽到，喺藝術創作層面點樣做到真正共融呢？
「藝想大世界」系列主持邱焱Sophia 邀請到無事無事研究所(Mosi mosi)創辦人梁雯蕙 (Comma)，由當年為視障人士設計嘅大學Final Year Project 作品「看得見的銀包」，再講到成立Mosi Mosi，以及聘用殘障人士為多元藝術家，參與設計及創作嘅原因。
全球最大型家居展「米蘭國際家具展Salone del Mobile.Milano」為慶祝設計師嘅成就，以及佢哋嘅衛星展踏入二十五週年，今次聯同國際設計家品展(IDFFHK)合作，將「米蘭衛星設計收藏二十五週年展」首次帶到香港，更加係呢個展覽首次喺海外展出嘅第一站。
<藝文谷>邀請到展覽負責人亦係IDFFHK / Designworks Foundation創辦人余詠詩Winnie介紹展覽外，亦邀請到設計師張凱琨Dennis─ 唯一一位有入選嘅香港設計師 ─ 分享佢嘅得獎作品Flax Fiber Triplex Stool嘅創作靈感及心得。
有興趣嘅朋友記得唔好錯過喇！
預告
#291 藝想大世界系列：真正的共融藝術 與「西源里選畫」展覽
今個星期嘅「藝想大世界」邱焱繼續邀請無事無事研究所創辦人梁雯蕙Comma，仲有多元藝術家蕭偉邦(邦邦) 傾偈，今次佢哋會從產品設計，再講到何謂真正嘅共融藝術。Comma 會分享與一眾不同能力嘅多元藝術家及客戶間溝通嘅技巧，而有自閉傾向嘅邦邦會講到點樣面對客戶要求修改自己創作嘅情況。
一新美術館今年十月落戶西營盤西源里一號，總監劉鳳霞博士Lesley會講到由觀塘走到西營盤後美術館嘅大不同，佢用一個字「多」去形容，究竟「多」咗乜嘢？新館址首個展覽「西源里選畫」分兩期進行，展品有咩特色？點解要分兩期進行？Lesley 仲特意挑選三幅同大家重點介紹。
有興趣嘅朋友記住唔好錯過喇！
重溫
#277 給美狄亞的男孩們 / 藝想大世界系列：楊恩華 (上集) / 藝聞全世界： teamLab / 藝在無窮：英國大英博物館閱覽室 / 伍韶勁展覽「傾聽地球旋轉」
主持人：李秋婷
為經典故事發掘新角度，再搬演舞台，毫不容易。前進進戲劇工作坊嘅「三年共桌計劃」，讓多位新世代創作人通過一系列嘅活動及演出計劃，喺對話、交流、踫撞之下，共同孕育新創作。由古希臘神話發酵而成嘅《給美狄亞的男孩們》就係其中一個成果。羅妙妍 (創作人、編劇) 點解對美狄亞呢個神話感興趣？邀請只有8至11歲嘅小演員參與結合扮演、編作、即興、遊戲及多媒體影像多種元素嘅演出，必定挑戰眾多，團隊又點樣引導小演員演出呢？
「藝想大世界系列」邱焱請邀請到哈爾濱長大嘅視障二胡演奏家楊恩華。楊恩華小六時受家人影響而學習二胡，學習半年後參賽就得到銅獎，兩年後更加考獲國家十級，但點解呢個亮麗成績今日楊恩華回望並非好事？事隔多年再次參演音樂劇《奮青樂與路》2024，對佢嚟講有乜嘢重大意義？
