簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
#296 西貢海藝術節 / 藝想大世界系列：青草音符 (下) / 藝聞全世界 ： 李小龍珍品拍賣 / 藝在無窮：Wellcome Collection: Jason and the Adventure of 254 / SurrealHK「香港的超現實大熊貓」展覽、智養身心藝術文化雅集
自2019年起，旅遊事務署主辦咗為期三年嘅先導計劃「鹽田梓藝術節」，將鹽田梓塑造成為一所開放式博物館，為參加者帶嚟多方面嘅體驗。呢個先導計劃促成2022年舉行「西貢海藝術節」，整個節以鹽田梓為軸心，將範圍擴展至西貢海毗鄰嘅島嶼：橋咀洲、滘西洲以及糧船灣。
話咁快為其三年嘅藝術節已經嚟到尾聲喇，最後一屆嘅主題係「再島聚」，一口設計工作室及藝術節策展人張國麟Alan分享「聚」嘅三大玄機，以及整個節嘅活動特色，更會重點介紹適合大眾參與嘅活動。
上星期邱焱Sophia喺「藝想大世界系列」介紹咗家長自發組織『青草音符』，點樣以音樂幫助SEN嘅孩子。今個星期繼續有主席徐江琼Helen，亦會有樂團副團長黃超瑩及佢患有中度自閉症嘅仔仔王智鴻，以真實例子分享音樂嘅強大力量，點樣令坐唔定嘅過度活躍小朋友專注演奏，以及講講學習音樂以後小朋友嘅各種改變，同場仲會播放佢哋嘅音樂演出添！
有興趣嘅朋友記住唔好錯過喇！
重溫
#281 野獸派與「我」 / 小劇場戲曲節2024 / 藝聞全世界 Andrés Reisinger: 從AI 到實體 / 藝在無窮：巴黎奧賽美術館 / 2024香港爆笑節
主持人：李秋婷
油畫藝術家Jonas Ng深受野獸派及表現主義影響，創作出用色大膽嘅畫作。Jonas 由學畫嘅故事講起，再分享當初點樣受野獸派呢種獨特嘅創作風格影響，繼而發展出標誌性手法去繪畫女性肖像畫。創作以外，Jonas亦有涉足藝術教育，佢會講到難忘嘅教學經歷。究竟藝術點樣影響生命？
小劇場呢種劇場模式，啟發戲曲發展出新方向。西九文化區表演藝術主管 (戲曲) 鍾珍珍談及小劇場呢個新戲種喺粵劇嘅孕育過程，亦會介紹小劇場戲曲節2024嘅五個節目。點解當中有兩個《霸王別姬》嘅製作？而川劇版《霸王別姬》點樣展現藝術交流嘅重要性？
