《青春敢想》「太陽計劃2014 」（第27屆）主題曲
主唱：郭富城
作曲：譚國政
作詞：小美
編曲：溫應鴻、譚國政
監製：譚國政、小美、郭富城

太陽計劃多年嚟鼓勵年青人善用餘暇，充實自己勇敢追夢，同時亦會隨時代去加強活動嘅內容，繼2013年以「同行抗毒」為主題，2014年香港電台聯同保安局禁毒處、禁毒常務委員會再接再厲聯合主辦抗毒活動 - 「太陽計劃‧我敢抗毒齊出發2014」，向青年推廣「我敢青春、成就夢想，企硬！唔Take嘢！」的信息。而郭富城就係當年嘅「超級榮譽太陽使者」。
由譚國政作曲、小美作詞，溫應鴻、譚國政編曲，郭富城主唱嘅《太陽計劃 2014 同行抗毒》主題曲《青春敢想 》嘅MV於西九取景，郭富城聯同多位年輕舞者喺西九海濱長廊跳舞，展現年輕人嘅青春活力。
而當屆嘅太陽少男少女係鄭俊弘、何雁詩、雷琛瑜，活動亦非常多元化，例如有太陽學堂、中學文憑試放榜打氣大會、太陽計劃音樂劇演出，將太陽計劃精神擴闊，令更多青少年可以參與活動。
今日「公共廣播九十五年-我們的歌」，同大家重溫2014年，由郭富城主唱第27屆太陽計劃題曲《青春敢想 》。